Bujtina “Dini” me emrin e familjes së vjetër është një biznes familjar që është hapur në Mars të vitit 2019-të
Bujtina ka dhe restorantin i cili ka ngrohje me oxhak dhe kaldaja me gaz të cilat bëjnë ngrohjen për restorantin por edhe për dhomat e gjumit.
Bujtina ofron 6 dhoma me aredim të brendshme prej druri, ku tre prej tyre janë me krevat dopio + 1 krevat tek dhe tre të tjerat me krevat dopio.
Bujtina ndodhet rreth 5 km larg qytetit te Rubikut, në rrethin e Mirditës.
Restoranti ka 15 tavolina dhe oxhak brenda per sezonin e dimrit, por tryezat me të këndshme, sideomos në mes të nxehtesisë së verës, gjenden në shpatin e rrethuar me pyje përapa shtëpisë.
Me ushqimin e freskët dhe të shijshëm, restoranti ka bërë emër dhe ka tërhequr mysafir nga e gjithë zona dhe nga qytete të ndryshme si Shkodra, Durrësi, Fieri, Elbasani e Tirana për çdo fundjavë.
Toka që rrethon Bujtinën përdoret nga familja për rritjen e perimeve dhe pemëve frutore që furnizojnë bujtinën me pjeshkë, qershi, mollë, fiq, limona, arra, rrush dhe ereza
Gjithashtu ka një stallë të vogël për mbajtjen e bagetive që përdoren pë mish pë bujtinën si dhe nje kotec për mbi 100 pula që enden nëpër fermë.
Çdo produkti që nuk mund ta prodhojmë vetë, e marrim nga fshatarët e zonës në të gjithë Mirditën.
Bujtina është e vendosur në një luginë të vogël ajo karakterizohet nga gjelbërimi dhe qetësia.
Duke vozitur përgjatë rrugës së vogël e të asfaltuar që të sjell në fshatin Katund i Vjetër do të shikoni murin e gjatë prej guri.
Rrethinat piktoreske dhe ajri i pastër kanë ndikuar në rritje e numrit të restoranteve buzë rrugës në zone, te cilët tërheqin vizitorë nga qytete të ndryshme por edhe të huaj.
Transporti: Me makinë private ndiqni autostradën nacionale A1 Tiranë-Kukës-Kosovë, deri te kthesa për në qendër të Rubikut.
Përpara se të arrini në Rubik kthehu majtas pasi të kaloni urën dhe pastaj do eceni në drejtim të fshatit Katund i Vjetër.
Bujtina Dini nuk është e shënuar menjëherë, prandaj ndiqni rrugën kryesore, kaloni shkollën dhe një klinikë të vogël dhe do shihni tabelën pas disa metrash në të djathtë.
Me trasport publik mund të merrni autobuzin e linjës Tiranë-Rubik dhe pastaj me taksi të zonës nga Rubiku deri te Bujtina Dini.
Adresa: Rruga Katundi i Vjeter, Rubik Mirdite - Albania
